Lehiaketa honen deialdiaren bidez arkitekturako profesionalak, seigarren MUGAK/ Euskadiko Nazioarteko Arkitektura Bienalaren testuinguruan, berrikuntza, jasangarritasuna eta hiri-ingurunearekiko elkarrizketa uztartuko dituzten instalazio iragankorrak diseinatzera gonbidatzen ditugu,

2027an seigarren ekitaldia beteko duen MUGAK/ Euskadiko Nazioarteko Arkitektura Bienala Eusko Jaurlaritzako Etxebizitza eta Hiri Agenda Sailak antolatzen du. Euskadiko hiru hiriburuetan izango du presentzia, 2027ko urritik azarora bitartean. Proposamen irabazlea arku atlantikoko arkitektura-hitzordu nagusiena bihurtzen ari den mugarri honetan eraiki eta erabiliko da.

Epaimahaiak epaia eman ondoren, proposamen irabazleen egileek 10.000 €-ko (+ BEZa) sari bat jasoko dute instalazioaren lanak zuzentzeko ordainsari gisa, eta proiektua gauzatzeko aukera izango dute, 50.000 €-ko (+ BEZa) gehieneko aurrekontu batekin.

Lehiaketaren barruan instalazioaren diseinua sartzen da, eta, talde irabazlearen kasuan, baita hura egiteko lanen zuzendaritza ere. Mugak/ Euskadiko Nazioarteko Arkitektura Bienalaren antolakuntzak proposamen irabazlea ekoizten eta eraikitzen lagunduko du, hautatutako taldearekin koordinatuta.

EGOKIA, EDERRA, ESKURAGARRIA 

Nori ardura zaio arkitektura? Axola ote zaio hiritar arruntari? Zergartik ez du tokirik prime time-an teleberrietan?

Zergatik eztabaidatzen da naturaltasunez gastronomiaz, modaz, kirolaz, teknologiaz edo osasun mentalaz eta, hala ere, zergatik kostatzen da bizitza igarotzen den lekuen kalitate espazialari buruzko elkarrizketa publiko bat irekitzea?

Zer eginkizun betetzen dugu lanbide honetan dihardugunok gure jarduna lege, protokolo eta instantziak burokratikoki betetzera mugatzen dugunean, ofizioa prekarietatearen eta eskulan kualifikatuaren faltaren artean itotzen den bitartean? Nola euts dakieke, aldi berean, ekitate ekonomikoari, lan justiziari eta kalitate estetikoari, dimentsio bat besteen gainetik jarri gabe?

"Egokia, ederra, eskuragarria " mundu guztiak ulertzen duen eta ia inork erabat sinesten ez duen formula horietako bat da. Erreklamo komertziala, ganga promesa, herri-jakinduria kontsigna bihurtua. Zerbait susmagarria, hiru baldintzetako batek huts egingo duela pentsarazten diguna. Horregatik, hain zuzen ere, adierazpen hain arrunt eta itxuraz txikiago horrek oraina pentsatzeko bide bat irekitzen du: etikaren, estetikaren eta ekonomiaren arteko tentsioa izendatzeko aukera ematen du, eta geure buruari galdetzen diogu zenbateraino izan daitekeen zerbait aldi berean zuzena, ederra eta eskuragarria.

• Gaiari buruz informazio gehiago

Arkitektura iragankorrak EAEko hiru hiriburuetan instalatuko dira, kokaleku hauetan:

• Donostia: Bigarren Mendeurreneko Balkoia (Flemmingen monumentua), Kontxa pasealekua

Bigarren Mendeurreneko Balkoia Kontxako pasealekuan dago, Donostiako hiri-ehunaren eta honen badiarako irekieraren arteko trantsizio-puntu batean. Begiratokia denez, etenaldi gune bat da, eta bertatik hiriko panoramikarik ezagunenetako bat ikusten da: Kontxako hondartza, Kantauri itsasoa eta paisaia inguratzen duten mendien profila.

Leku hori Chillidaren eskulturari lotuta dago, eta balio paisajistikoa eta sinbolikoa du, hiri-ibilbide oso ibiliaren parte baita, herritarrek eta bisitariek bereziki estimatzen dutena. Bere eskala txikiak eta kokapen estrategikoak ingurunearekin harreman zuzena izatea errazten du, kokaleku hau pausatzeko, behatzeko eta hiriari eta itsas fronteari buruzko irakurketa berriak aktibatzeko puntu egokia bihurtuz.

Donostiako esku-hartze eremuaren planoa deskargatu

• Bilbo: Osasun langileen plaza (Termibus)

Osasun langileen Plaza Bilbo Intermodaleko geltokiaren ondoan dago, hiri-intentsitate handiko eta intentsitate funtzionaleko gune batean, pertsonen etengabeko joan-etorriak eta garraiobide desberdinekiko konexioak markatuta. Kokapenak pasabide, elkargune eta ongietorri gune bihurtzen du, hiriko sarrera-ate dinamikoenetako batean txertatua.

Plaza EHUk Bilbon duen unibertsitate guneetako batetik gertu dago, eta, ondorioz, ikasle askok igarotzen dute egunero. Garraio-trukerako gune bat da (metroa, trena eta autobusa), pertsona-fluxu handikoa, hiriaren eta inguruen mugikortasuna artikulatzen duena. Gainera, inguruneak eraldaketa urbanistiko handia jasan du: Garellanoko Plan Berezian Richard Rogersek diseinatutako dorreetatik gertu dago, eta gaur egun bertan etxebizitza kopuru oso garrantzitsua eraikitzen ari da, espazioaren irudia eta erabilera errotik birdefinituz.

Bilboko esku-hartze eremuaren planoa deskargatu

• Vitoria-Gasteiz: Foruen plaza

Gasteizko Foruen Plaza hiriaren bihotzean dagoen gune enblematikoa da, Luis Peña Ganchegui euskal arkitektoak diseinatua. 1975ean hasi zen eraikitzen, eta 1982an ireki zen jendearentzat. Euskal foruak oroitarazten dituen programa sinbolikoa da, hirigunean artea, tradizioa eta memoria historikoa txertatuz. Aurten 50. urteurrena betetzen du, eta horrek euskal arkitektura garaikidearen ondare-lan esanguratsu gisa duen balioa indartzen du.

Plazak modernitate arkitektonikoa eta herri-tradizioaren osagai enpirikoak konbinatzen ditu, Peña Gancheguiren obraren berezko dualtasun tradizional-modernoa islatuz. Bere diseinuak lekuaren topografiarekin, hiri-eskalarekin eta ingurune historikoarekin hitz egiten du, eraiki zenetik eztabaida sortu duen materialtasuna erabiliz, eta horrek ondare-balioari dimentsio kritikoa gehitzen dio.

Erdigunean kokatuta, plazan dozenaka pertsona biltzen dira kultur ekitaldiez, kontzertuez eta jaiez gozatzeko, hala nola Andre Maria Zuriaren jaiak. Espazio publiko irekia denez, bere pertzepzioa aktibatzen duten, erabiltzailearen esperientzia indartzen duten eta Vitoria-Gasteizko nortasunaren inguruko narratiba berriak ezartzen dituzten esku-hartzeetarako eszenatoki egokia da, bereziki ospakizunaren urte honetan.

Gasteizko esku-hartze eremuaren planoa deskargatu

Lehiaketa mundu osoko arkitektura profesionalei zuzenduta dago, banaka edo taldeak osatuz. Ekipoak diziplinartekoak izan daitezke, betiere arkitekturan jarduteko gaitutako pertsona bat badute.

Lehiaketa modu anonimoan egingo da, eta, beraz, parte-hartzaileek dokumentu bereizietan aurkeztu beharko dute proposamena, oinarri hauetako 11. puntuan ezarritakoaren arabera.

Taldearen identifikazioa epaimahaiaren azken erabakiaren ondoren bakarrik jakinaraziko da. Horrela, proposamenak inpartzialtasunez ebaluatuko direla bermatuko da.

Parte-hartzaile bakoitzak talde bakar batean parte hartu ahal izango du, titular nahiz laguntzaile gisa, eta proposamen bakarra aurkeztu ahal izango du.

Proiektua gauzatzeko gehieneko aurrekontua 50.000 € da (+ BEZa).

Aurrekontu horren barruan, hauek sartzen dira:

• Arkitektura iragankorreko materialen eta osagaien ekoizpena.
• Muntatzeko eta desmuntatzeko lanak.
• Beharrezko diren baliabide osagarriak.
• Garraioa eta logistika.
• Informazio-elementu grafikoen ekoizpena.
• Segurtasuneko eta/edo arretako langileak, beharrezkoa izanez gero

Kokaleku bakoitzerako, 10.000 euroko saria ezarri da talde irabazleentzat, bai eta 1.000 euroko bigarren sari bat eta accesit bat ere.

• 2026/07/20 lehiaketaren deialdiaren irekiera
• 2026/09/18 proposamenak aurkezteko epemuga
• 2026/10/15, epaimahaiaren erabakia argitaratuko da
• 2026/12/31, exekuzio-proiektua entregatuko da
• 2027/03/31 ekoizpen lanak hasiko dira
• 2027/09/27 eraikitze lanen hasiera
• 2027/10/07 irekiera ekitaldia Donostia,. 2027/10/14 Bilbo, 2027/10/21 Gasteiz
• 2027/11/15 Eraisketa lanen hasiera

Proposamenak irizpide hauen arabera ebaluatuko dira:

1. Kalitate arkitektonikoa eta espaziala: diseinua ebaluatuko da, ikuspegi estetiko eta funtzionaletik, sortutako espazioak zer kalitate duen eta herritarrentzat esperientzia esanguratsuak sortzeko gaitasunik duen aintzat hartuz.
2. Inguruarekiko harremana: diseinua aukeratutako lekuan integratzen den.

• Gaiarekiko lotura: Proposamen egokia den Mugak/ V. Bienalaren gaiari erantzuteko

1. Berrikuntza-maila: soluzio arkitektoniko berritzaileak proposatzeko gaitasuna erakutsi den.
2. Koherentzia konstruktiboa: egiturak funtzionala eta egokia izan beharko du ezarritako denbora-erabilerarako. Proposamenak aurreikusitako materialtasun-logikei erantzun behar die, bereziki, 3D inprimaketari dagokionez.
3. Bideragarritasun tekniko eta ekonomikoa: ezarritako aurrekontuaren eta epeen barruan eraiki daitekeen.

• Ingurumen-inpaktua: proposamenak bizi-zikloaren ikuspegia duen eta aintzat hartzen al dituen ekonomia zirkularra eta bizi-amaierako egoera, hondakinak minimizatzea eta 3B-ak (berrerabili, birmanufakturatu eta birziklatzea).

Lehiakideek, proposamena aurkezte hutsarekin, hitzematen dute ez dutela jendarteratuko epaimahaiaren erabakia baino lehen, ez beren kabuz ez taldeko edozein kideren bitartez, anonimotasuna bermatzeko eta lehiaketaren objektibotasuna gordetzeko. Horrek esan nahi du ezingo dutela beren proposamenekin lotutako komunikazio edo publizitaterik egin, honako hauek barne:

• Sare sozialetan, blogetan edo webgune pertsonal nahiz profesionaletan argitaratzea.
• Hedabideetan agertzea.
• Beren lanen zorroan edo aurkezpen publikoetan sartzea.

Lehiakideek ezingo dute lehiaketari buruzko komunikaziorik eduki epaimahaikideekin.

Konpromiso horiek betetzen ez badira, berehala deskalifikatuko da proposamena.

Obrarekin edo proposamen finalistekin zerikusia duten etorkizuneko argitalpenetarako, Mugak/ Bienaleko komunikazio-taldearekin koordinatu beharko dute taldeek emaitzen berri emateko, antolatzaileek zehaztutako egutegiaren eta irizpide estetikoen arabera.

Hautatutako proposamenen egileek aldi baterako Mugak/ Bienalaren antolatzaileei lagatzen dizkiete erreprodukzio- eta erakusketa-eskubideak, hedabideetan, erakusketetan, argitalpenetan eta bestelako sustapen-jarduera batzuetan erabil ditzaten, betiere egiletza aipatuz.

Aurkeztutako proiektuen jabetza intelektuala egileena izango da.

Etxebizitza eta Hiri Agendako Sailak, Habic Klusterrak eta Indart3D-k egokitzat duten zabalkundea egin ahal izango dute, lehiaketara aurkeztutako lan guztiak edo batzuk erakustera eta argitara emanez, haien jatorria eta egiletza aipatuz, non eta lehiakideek ez duten berariaz eskatzen anonimoak izan nahi dutela saritzen ez badituzte.

Era berean, paperean, euskarri digitalean nahiz Interneten argitaratu ahal izango dituzte aurkeztutako lan guztiak, erakusketarako ezarritako baldintza beretan.

Proposamenak Mugak/ Bienalaren webgunean dagoen formularioaren bidez aurkeztuko dira, 2026ko irailaren 18ko 20:00ak arte.

Dokumentu hauek bidali beharko dira:

• Proposamenaren informazio grafikoa jasotzen duen A1 panel bertikal bat (20MB gehienez).
• Proposamenaren informazio deskribatzailea, txantiloiaren arabera. Eskuratu txantiloia.
• Taldeari buruzko informazioa, web-formularioaren bidez.

Dokumentuek taldeen anonimotasuna mantendu behar dute, eta ez dute erakutsi behar haiek egiletzarekin lotu ditzakeen informaziorik. Fitxategiak nomenklatura honi jarraituz kargatuko dira:

• LEMA_DOC.pdf

Deskribapen-dokumentuak proposamenaren xehetasunak eta informazio teknikoa jasoko ditu, aurrekontua barne.

• LEMA_A1pdf

Panelean, proposamena behar bezala azaltzeko egoki deritzon informazio grafiko eta bisuala jaso beharko du taldeak. Ezinbestekoa izango da goiko eskuineko angeluan leloa agertzea, inprimatu edo proiektatu ondoren behar bezala identifikatu dadin panela. Horretarako, 300 ppp-ko bereizmena gomendatzen da.

Web formulariora joan

Oinarriak Mugak/ Bienalaren webgunean egongo dira eskuragarri.

Deialdian zehar zalantzarik edo kontsultarik sortzen bazaie lehiakideei, posta elektronikoz bidali beharko dituzte: info@bienalmugak.eus

Planteatutako gaiak eta haien erantzunak deialdiaren webgunean argitaratuko dira, eta jarraipen-batzordeari helaraziko zaizkio.

• I / Parte hartzaileak

• Taldeen parte-hartzea: Taldeko kide guztiek bete behar al dituzte oinarrietako 4. puntuan ezarritako baldintzak? Pertsona batzuek baldintza guztiak bete ditzakete eta beste batzuek ez?

Baldintza hauek taldeko zuzendari gisa aurkezten den pertsonak bakarrik bete beharko du. Izendapen hori proposamen erregistratzeko web-orria betetzerakoan zehaztu behar da, taldeko zuzendariaren eta gainerako parte-hartzaileen datuak beteta.

• 
  Espainiako nazionalitatea ez duten pertsonek parte har al dezakete arkitektura iragankorrak diseinatzeko lehiaketan? Beste herrialde bateko titulazioarekin parte hartu daiteke? Arkitekto ez-espainiarra izanez gero (adibidez, Hispanoamerika), nola forgatuko da baldintza horien betetzea? Baldintza horiek proposamena bidali aurretik bete behar dira, edo beranduago osatzeko aukera dago?

Lehiaketa nazioartekoa da, eta munduko edozein herrialdetako parte-hartzaileei irekita dago, banaka edo taldeka. Proposamen irabazleen zuzendariei dagozkien Arkitektura tituluaren agiriak eskatuko zaizkie baldintza horiek betetzen direla frogatzeko.

Ezinbesteko baldintza izango da kontratua formalizatu aurretik baldintza guztiak betetzea, proposamen irabazlearen egilea izanez gero. Kontratazio hori 2026ko abenduaren 31 baino lehen egin beharko da.

• II / Irismena

• Zer sartzen da lehen sariaren 10.000 euroko ordainsarietan? Egitura- edo instalazio-kalkuluak egin behar badira, 10.000 €horien barruan kontratatu behar dira?

Ordainsarien 10.000 euroek, oinarrietan zehaztutako lanetan, ondokoa zehazten dute (7. atala):

1. Instalazioa gauzatzeko proiektu teknikoa idaztea, proposamena gauzatzeko beharrezkoak diren azalera-planoak, aurretiko bistak, sekzioak eta muntaia-xehetasunen informazio grafikoa eginez, bai eta instalazioari eragiten dioten araudien justifikazio tekniko bat ere.

Horretarako, talde irabazleak egituren edo instalajuntzen kalkulu eta diseinurako lanak azpikontratatu behar baditu, egin dezake, beti ere ordainsari horien barruan jasota.

Bestalde, obraren koordinazioari eta zuzendaritzari begira, oinarriek honako hau zehazten dute (7. puntua):

3- Instalazioaren gauzatzea gainbegiratzea, diseinutik, garraioaren kudeaketatik, muntaketetatik, desmuntaketetatik, segurtasun eta osasunetik, udal-baimenetatik eta obra behar bezala gauzatzeko beharrezkoak diren jarduketa guztietatik abiatuta. Gauzatze materiala zuzentzeko eta segurtasuna eta osasuna koordinatzeko lanetarako, talde irabazleek bertako arkitektura teknikoko profesional baten laguntza izango dute. Profesional hori hiri bakoitzerako izendatuko da, Bizkaiko, Gipuzkoako eta Arabako Arkitektura Teknikoko elkargo profesionalek deitutako lehiaketaren bidez.

Parte hartzen duen arkitekto teknikoa arduratuko da obra, gremioak, eraikuntza-enpresak eta exekuzioan parte hartzen duten bitarteko osagarriak koordinatzeaz, betiere erakunde antolatzailearekin eta talde irabazlearekin koordinatuta.

• III / Aurrekontua

• Zer jasotzen du proiektuaren aurrekontuak (50.000 € + BEZ)? Gauzatze-materialak bakarrik edo dokumentazio teknikoa ere bai?

50.000 €-tan oinarrietan adierazitako instalazioa gauzatzearekin lotutako kostu guztiak (5. puntua) aurreikusten dira:

• Arkitektura iragankorreko materialen eta osagaien ekoizpena.
• Muntatzeko eta desmuntatzeko lanak.
• Beharrezko diren baliabide osagarriak.
• Garraioa eta logistika.
• Informazio-elementu grafikoen ekoizpena.
• Segurtasuneko eta/edo arretako langileak, beharrezkoa izanez gero

Nolanahi ere, obraren berezitasuna dela-eta, ingeniaritzako edo aholkularitza espezializatuko lan espezifikoren bat behar bada, ezarritako 50.000 €+ BEZaren barruan sartu ahal izango da. Hala badagokio, behar bezala adierazi eta justifikatu behar da "4/Bideragarritasun teknikoa eta ekonomikoa" atalean eta entregatu beharreko memoriaren "6/Aurrekontua" atalean.