Eduki nagusira joa

Nabigazio-menura joan

Bienal Internacional de Arquitectura

Nabigazio-menura joan

Albisteak

Ospe handiko arkitekto eta artistak, tartean Wang Shu pritzkerra, izango dira Mugak/ -en laugarren edizioko erakusketa nagusian

Mugak/ Euskadiko Nazioarteko Arkitektura Bienalak bere laugarren edizioa aurkeztu du gaur goizean. ‘Berreraiki, berpiztu, berrasmatu’ leloa izango du ardatz, eta erakusketa nagusia Euskadiko Arkitektura Institutuan kokatuko du beste behin, ‘Aldaketa bizi’ izenburupean. Erakusketak arkitekturaren eta arteen munduko hamar pertsona ezagunen lanak batuko ditu, urriaren 25ean inauguratuko den elkarrizketa kolektibo baten bidez. Horien artean, pieza originalak eta sortzaileen praktiken irudikapenak egongo dira.

Mugak/ Bienalak bederatzi proposamen hautatu ditu edizio berriko programarako

Mugak/ Euskadiko Nazioarteko Arkitektura Bienalak dagoeneko hautatu ditu bere laguntza-lerroa emateko proiektuak, eta, beraz, laugarren edizioko programa osatuko dutenak. Hainbat erakunderen bederatzi proposamen dira. Eusko Jaurlaritzako Lurralde Plangintza, Etxebizitza eta Garraio Sailak urte hasieran egin zuen Euskadiko hirigintza-diseinua eta arkitektura garaikidea sustatzeko eta zabaltzeko laguntza-lerrora aurkeztu zirenen artean aukeratu dira.

‘Lost Forest’ proiektuak irabazi du Donostiako TAC! aldi baterako pabiloia diseinatzeko lehiaketa

Donostiak badu pabiloia. TAC! Hiri-Arkitekturako Jaialdiak Julia Ruiz-Cabello Subiela eta Santiago del Águila arkitekto madrildarren taldearen 'Lost Forest' aukeratu du hirian aldi baterako pabiloi bat diseinatzeko ideia-lehiaketa irabazi duen proiektu gisa. Garraio, Mugikortasun eta Hiri Agenda Ministerioko (MITMA) Hiri Agenda, Etxebizitza eta Arkitekturaren Idazkaritza Nagusiak, Arquia Fundazioarekin batera, antolatutako ekimen honek aurten Eusko Jaurlaritzako Etxebizitza, Lurzoru eta Arkitektura Zuzendaritzaren, Mugak/ Euskadiko Nazioarteko Arkitektura Bienalaren, Habic klusterraren eta Euskadiko Arkitektura Institutuaren laguntza ere badu.

Mugak/ Bienalak bere programazioan parte hartzera gonbidatu ditu nazioko eta nazioarteko eragileak

Mugak/ Euskadiko Nazioarteko Arkitektura Bienalak deialdi berria ireki du nazioko eta nazioarteko erakunde eta pertsona fisikoei haien jarduerak laugarren edizioko egitaraura gehitzeko gonbita egiteko. Off Mugak/ ekitaldi paraleloen lerro berriaren barruan izango da, eta Euskaditik kanpoko erakundeetara zabalduko da lehen aldiz.

Bideoa: TAC!-ren Donostiako pabiloirako deialdiaren aurkezpena

Jadanik aurkeztu da TAC! Hiri-Arkitekturako Jaialdiak Donostian Mugak/ Bienalaren esparruan egingo duen aldi baterako pabiloia diseinatzeko proiektuen deialdi irekia. Hiria, Valentziarekin batera, jaialdi honen egoitzetako bat izango da, eta pabiloi hori Saguesen hartuko du, hiriaren eta naturaren artean, itsasoa, mendia eta hiria elkartzen diren lekuan.

Saguesek TAC! Jaialdiaren pabiloia hartuko du, larrialdi klimatikoak dituen erronkei buruzkoa, Mugak/ biurtekoaren esparruan

Garraio, Mugikortasun eta Hiri Agenda Ministerioak (MITMA), Arquia Fundazioarekin batera, eta Eusko Jaurlaritzaren Mugak/ Euskadiko Nazioarteko Arkitektura Bienalak, Habicekin batera, arkitekturako profesionalentzako deialdia aurkeztu dute gaur goizean, aldi baterako pabiloia diseinatzeko. Pabiloi horretan TAC! Hiri-Arkitekturako Jaialdiaren Festibalaren bigarren edizioa ospatuko da. Aurten Donostia aukeratu dute jaialdiaren bi egoitzetako bat izateko, Valentziarekin batera, Espainiako arkitektura gaztearen talentua erakusteko. Saguesen izango den pabiloia diseinatzeko lehiaketa maiatzaren 12ra arte egongo da zabalik.

Donostian aldi baterako pabiloi bat diseinatzeko deialdi irekia aurkezteko jardunaldia

TAC! Hiri-Arkitekturako Jaialdiak bere bigarren edizioan Donostia eta Valentzia, egoitza gisa aukeratutako hiriak, espazio publikoan berrikuntza eta esperimentaziorako kokaleku bihurtuko ditu. Aldi baterako bi pabiloi eraikiko dira – bata Saguesen (Donostia) eta bestea Lopez-Chavarri Musikari Plazan (Valentzia) –, 45 urtera arteko arkitekturako profesionalen eskutik. Pabiloiak deialdi ireki baten bidez aukeratuko dira, maiatzaren 12ra arte.

Mugak/ek bat egin du TAC! jaialdiarekin herritarren eta arkitekturaren arteko elkarrizketan sakontzeko

Mugak/ Euskadiko Nazioarteko Arkitektura Bienalak beste urrats bat emango du bere laugarren edizioan. Izan ere, Garraio, Mugikortasun eta Hiri Agenda Ministerioak antolatutako TAC! estatu mailako garrantzia duen jaialdirekin lankidetzan arituko da. Aste honetan, TAC! jaialdiaren deialdi berriaren berri eman da, non Mugak/ek pabiloi batekin parte hartuko duen Donostian, beste hiri gonbidatu batekin batera, Valentziarekin.

Mugak/ Arkitektura Bienalak kultur edukia sortzeko laguntzak eskaintzen ditu bere 2023ko laugarren ediziorako

Eusko Jaurlaritzako Lurralde Plangintza, Etxebizitza eta Garraio Sailak laguntza-deialdi bat argitaratu du gaur, Mugak/ Euskadiko Arkitekturaren Nazioarteko laugarren Bienalaren esparruan kultura-edukia sortzeko, 2023ko azaroan ospatuko dena.

Berreraiki, berpiztu, berrasmatu

Garai nahasiak bizi ditugu. Krisi ekologiko, sanitario, ekonomiko eta sozialeko garaiak. Erronka handiak dira, eta premiazko irtenbideak behar ditugu, irudimentsuak eta eraldatzaileak. Munduan nola bizi garen eta etorkizun hurbilean nola biziraungo dugun birpentsatzea premiazkoa den garaiak. Horiek hiria birpentsatzeko ere balio behar digute, baita arkitektura eta hirigintza berrituaren premian ere, egungo desberdintasun sozioespaziala eta ingurumenaren aldetik jasanezina den garapena gainditzeko.


Egitaraua prestatzen ari gara

Utilizamos cookies propias y de terceros para fines analíticos en base a un perfil elaborado a partir de tus hábitos de navegación (por ejemplo, páginas visitadas).
Puedes encontrar más detalles de nuestra política de cookies.
Puedes aceptar todas las cookies pulsando el botón “Aceptar” o configurarlas o rechazar su uso clicando aquí.