EHUko Arkitektura Goi Eskola Teknikoan eskuratu zuen arkitekto-titulua, 2005ean. 2017an, doktoretza-tesia aurkeztu zuen: Ocharcoaga. El polígono de las flores amarillas. Bikain cum laude kalifikazioa eman zioten. Gaur egun, 50, 60 eta 70eko urteetako etxebizitza-poligonoen birgaitze-lanei buruz ikertzen dihardu, eta Eusko Jaurlaritzaren laguntza ere jaso du hiri-giroko bizigarritasunarekin lotutako zenbait proiektu lantzeko, hala nola Otxar Active Frontage izenekoa. 2006an, XLark arkitektura- eta hirigintza-estudioa sortu zuen Anton Pagola eta beste zenbaitekin batera, eta harrezkero, hainbat arkitektura-, hirigintza-, paisajismo- eta diseinu-proiektutan parte hartu du. EHUko Arkitektura Goi Eskola Teknikoko irakasle laguntzailea izan zen, Proiektuak 1 ikasgaian, 2006tik 2010era bitartean.