José Ángel Medina Murua (Donostia, 1975) arkitektoa da, Nafarroako Unibertsitatean graduatu zen, eta 2020ko uztailetik Euskadiko Arkitektura Institutua-Instituto de Arquitectura de Euskadi (EAI-IAE) erakundearen zuzendaria da. Halaber, Mugak Bienalaren hirugarren edizioko komisarioa da. Medina & Murua Arkitektura izeneko estudioaren buru da, eta arkitekto lana irakasle lanarekin osatzen du, Nafarroako Unibertsitateko Arkitekturako Unibertsitate Masterraren zuzendaria baita. Gainera, Medinak ikastaro eta hitzaldi ugarietan parte hartu du, adibidez; Monterreyko Politeknikoan (Mexiko), Ekuadorko Unibertsitate Katolikoan, Stiftung Bibliothek Werner Oechslin, Einsiedelnen (Suitza) edo Zuricheko ETHn.