Euskal Aparejadore eta Arkitekto Teknikoen Elkargoek bat egiten dute ONSITE Mugak/proiektu-irabazleak gauzatzen laguntzeko

1970 Urtarrila 1

Arabako, Bizkaiko eta Gipuzkoako Arkitektura Teknikoaren Elkargo Profesionalek aliantza bat sinatu dute Mugak/ Euskadiko Nazioarteko Arkitektura Bienalarekin.

Aliantza horri esker, ONSITE Mugak/ deialdiko arkitektura iragankorren proposamen irabazleak aukeratu ondoren, hiru elkargoek lehiaketa bat antolatuko dute beren elkargokideei zuzenduta, eta hiru proposamen irabazleak gauzatzen laguntzeko hautagaitzak aurkezteko aukera izango dute.

Zer onura ditu lankidetzak?

• Arkitektura teknikoko profesionalentzako aukerak: instalazio iragankorren proiektu irabazleen exekuzioan parte hartzeko aukera izango dute.
• Tokiko produkzio-sarea indartzea: Tokiko profesionalak proiektuak gauzatzen inplikatzean, Euskadiko eraikuntza-sektorea dinamizatzen laguntzen da.

Nola parte hartu lehiaketan?

Elkargo profesionalek epaimahaiaren erabakia argitaratu ondoren iragarriko dute deialdia, behin, ONSITE Mugak/deialdiko hiru arkitektura iragankor irabazleak ezagutu eta gero. Lehiaketan parte hartzeko behar den informazioa, izena emateko baldintzak, ebaluazio-irizpideak eta prozesuaren egutegia barne, Euskadiko COAATen bidez zabalduko da.

Aurrerapauso bat euskal arkitekturarentzat

Elkargo profesionalen eta Mugak/ Euskadiko Nazioarteko Arkitektura Bienalaren arteko aliantza aurrerapauso bat da euskal arkitekturarentzat. Profesionalen talentua eta esperientzia balioan jartzea eta sektoreko eragileen arteko lankidetza sustatzea ditu helburu.