Mª Auxiliadora Gálvez E.T.S.A.Mko arkitektoa da eta Arkitekturan doktorea 2012tik. Gainera, paisajista (IFLAko kidea) eta Hezkuntza Somatikoko Feldenkrais metodoaren irakaslea da. 1998tik irakasle da USP CEUko Goi Eskola Politeknikoan, eta hainbat tailer, hitzaldi edo graduondoko programa garatzera gonbidatu dute Graz, Panama, Milan, Greenwich, Harvard, Hanburgo, Nikosia, Viena edo Buenos Airesen, besteak beste. 2016an, "Plataforma de Somática aplicada a la Arquitectura y el Paisaje" (PSAAP) sortu zuen. Bertan, ekologiako alderdiak jorratzen dira, gorputzak diseinu arkitektonikoan, urbanoan eta paisaian duen esperientziatik abiatuta. Ikuspegi horretatik eta Plataformaren laborategiarekin (LSAAP) lankidetzan aritu da berriki Reina Sofía Museoa, Portoko Udal Galeria edo Die Angewandte bezalako erakundeekin. Nazioko eta nazioarteko hainbat lehiaketatan saritua izan da, Europan aldizkariaren VI., VII. eta IX. edizioetako sariak nabarmenduz. Bere lana, besteak beste, "Excepto 21. Cartografías Activas" monografikoan eta "Espacio Somático. Cuerpos Múltiples" 2019an argitaratutako liburuan eta "DESCAMPADOS. Caminar los paisajes revolucionarios en la ciudad somática" (2022) liburuan publikatu da. 2006tik 2010era Panamako koordinatzailea izan da Andaluziako Juntak garatutako Etxebizitza Sozialen Nazioarteko Lankidetza Programaren barruan. "International Ambiances Network" -eko (Frantzia) kidea da, "Ikerketa Sentsorialen Zentro" -ko (Kanada) ikertzaileen direktorioan dago eta "Navigating Dizziness Together" (Austria) nazioarteko proiektuan parte hartzen du.