Félix Maraña Informazio Zientzietan (Kazetaritza) lizentziaduna, Lan Harremanetan graduduna eta Historia Garaikideko Goi Ikasketetan diplomaduna da. Bizitza osoa eman du kazetaritzan, paperean nahiz telebistan, bai eta kazetaritza digitalean eta literaturan ere. Donostian argitaratutako Kurpil eta Kantil literatura aldizkarietan parte hartu zuen. Euskal Herriko Unibertsitateak argitaratutako euskal poesia garaikideko bildumaren zuzendari eta komisario izan zen. Jorge Oteizaren obran aditua da, eta komisarioa izan da hari buruzko argitalpen eta erakusketa ugaritan.