Arkitektura eta hirigintza diren sormen-prozesuak herritarrengana eramatea da Gaur egungo arkitekturaren sormen-prozesuaz hizketan hitzaldiaren helburua, eta arkitekturak eta gure hiriek ate-joka dituzten erronkez hausnartzea ere bai.
Lortu nahi diren helburuak eta bidean agertuko diren baldintzapenak ulertu, bezero eta erabiltzaileen berri izan, eraikitzailea nor izango den jakin…: esperientzia bakoitzaren testuinguru jakinen nondik norako guztiak aintzat hartu behar dira, horrek emaitzak emango baditu. Jardunaldian, bertako hiru arkitekto-taldek garrantzi handiko zenbait eraikuntza- eta birgaitze-lanen berri emango digute, eta haietariko bakoitza diseinatzeko eta eraikitzeko prozesua zehatz-mehatz esplikatuko.
Horren ondoren, mahai-inguru bat ere antolatu da, partaideek beren esperientzien berri eman diezaioten elkarri.
Antolatzailea: COAVN Bizkaia