Carmen Muñumer eta Danielle Porrettaren hitzaldiak + mahai-ingurua.

Eta pelikula bat besterik ez bazen? Arkitektura utopikoa zineman - Carmen Muñumer

Teoria arkitektonikoa eta zientzia-fikziozko zinema esperimentaziorako, esploraziorako eta beste errealitate posible batzuei buruzko hausnarketarako espazioak dira. Eta, horregatik, agertoki egokiak dira ideia ameslariak planteatzeko eta garatzeko, non utopia lortzeko nahiak estimulu sortzaile eta intelektual gisa jarduten duen. Bereziki esanguratsuak diren filmen bidez, ikerketa honek agerian uzten ditu arkitekturaren, zinemaren eta pentsamendu utopikoaren arteko harreman estuak.

Bost hiri imaginario eta bi etorkizun posible gizadiarentzat - Daniele Porretta

Larrialdi klimatikoak, erregimen autoritario eta populista berrien baieztapenak eta tentsio eta gatazka militarren eztandak elikatuta, badirudi oraintsuko narratibek utopiak alde batera utzi dituztela agertoki distopiko eta apokaliptikoak hobetsiz. Baina gure garaietako irudi negatiboen saturazioa gorabehera, utopiaren krisia ez da berria eta sustrai zaharragoak ditu.

Literaturako eta zinemako irudimenezko hiri batzuen bidez, genero utopikoak (eta distopikoak) etorkizuneko gure ideian eragina duten beldurrak nola irudikatu eta irudikatzen dituen aztertuko dugu: teknologiaren eragina, naturarekin dugun harremana, gatazka politikoen, arrazakoen eta klasekoen beldurra. Azkenik, gure buruari galdetuko diogu zein diren egungo imajinarioak etorkizunari dagokionez, beste mundu bizigarri batzuetarako ihesaren eta bizi garen planetarekin dugun harremanaren berreraikuntza kontzientearen artean.