Diego Matxinbarrena (Donostia, 1961) batez ere Artelekuko tailerretan trebatutako artista bat da, eta hartan geratu zen artista egoiliar modura. Lorpenen artean, Gure Artea pintura lehiaketako bigarren saria (1987) eta banakako erakusketa batzuk nabarmentzen dira, esaterako, Drum galerian (2003) edo Koldo Mitxelena Kulturuneko Ganberakoa (2016).
Artistaren poetika pertsonalak interes handia piztu du beti arkitektoengan, hala, erakusteak egin ditu bai Arkitektoen Elkargoan (2005), bai Arkitektura Eskolan (2013). Aurten, horma irudi bat egin du Biurtekorako. Arkitektoek bezala, Diego Matxinbarrenak ere eraikitzen ditu formak espazioan. Eta marrazten duen guztia hiriarena da, inspirazioa beti aurkitzen baitu ibilaldietan, hiri altzarien formetan.