Erakusketan Euskal Arkitektura Gaztearen Peña Ganchegui Sariko hirugarren edizioko finalisten lana dago ikusgai. AZAB-ek, Ane Arce-ren eta Iñigo Berasategui-ren (aurreko edizioko irabazleak diren) estudioak diseinatu du.
Saria bi urtez behingoa da, eta titulua duela 10 urte baino gutxiago eskuratu zuten arkitektoek parte har dezakete, lanbidea Euskal Autonomia Erkidegoan garatzen dutenek, bakarka nahiz taldean, edo titulua bertan lortu dutenek.
Sariaren xedea da arkitektura ibilbide gazte bat aitortzea eta, era berean, proiekzio zabaleko ibilbide hasi berri bat sustatzea, eta, horretarako, ezagutzera eman nahi ditu jardun profesional eredugarriak izateaz gain kultura arkitektonikoa sustatu, garatu eta finkatzeko lagungarriak ere badiren ekarpenak. Hortaz, ez da lan zehatz bat saritzen, era askotako lan multzo bat baizik.
Antolatzailea: Peña Ganchegui Artxiboa
Diseinua: AZAB
Babeslea: Ormak